أحد تحشمه لابدامنه منقود
واحد ليامن زل خله يولّي
دامه دني النفس ماعنه منشود
خلك مع اللي بك يبش ويهلّي
بعض البشر من خلقته دوم مقرود
وبعض الأوادم عشرته ماتملي
والبعض منهم قربته مابها فود
رجله على الشينات دايم تزلي
لاشان وقتك وانت بالهم مصيود
يكفيك ذاك اللي وجوده يسلّي
الصاحب اللي صاين كل العهود
لاماتوانا يوم مهما حصل لي
لامن زهمته انطلق مثل بارود
سيدالنشاما فزعته لي محلي
اسمه ونبزه مع هل الطيب معقود
حر من التلميح دوم يفطن لي
ومادام حظك جاب لك راعي الجود
راعي النشاوالسو خله يولي